ပြည်ထောင်စုလွှတ်တော်

ပြည်ထောင်စုလွှတ်တော်

ပြည်ထောင်စုလွှတ်တော်တွင် ပြည်သူ့လွှတ်တော်ကိုယ်စားလှယ်များနှင့် အမျိုးသားလွှတ်တော်ကိုယ်စားလှယ်များပါဝင်သည်။ ဖွဲ့စည်းပုံမှာ ပြည်သူ့လွှတ်တော် ကိုယ်စားလှယ် (၄၄၀)ဦး၊ အမျိုးသားလွှတ်တော်ကိုယ်စားလှယ် (၂၂၄) ဦး၊ စုစုပေါင်း (၆၆၄) ဦးဖြစ်ပါသည်။

ဖွဲ့စည်းပုံအရ (၆၆၄)ဦးဖြစ်သော်လည်း ပြည်သူ့လွှတ်တော်ကိုယ်စားလှယ်မှာ ၄၃၅ ဦးသာရှိသဖြင့် လက်ရှိ ပြည်ထောင်စုလွှတ်တော်တွင် လွှတ်တော်ကိုယ်စားလှယ် စုစုပေါင်း (၆၅၉)ဦးသာရှိပါသည်။

ပြည်ထောင်စုလွှတ်တော် နာယကနှင့် ဒုတိယနာယကများမှာ လွှတ်တော်သက်တမ်း စတင်သည့် ပထမ လ၃၀တွင် အမျိုးသားလွှတ်တော် ဥက္ကဋ္ဌနှင့်  ဒုဥက္ကဋ္ဌတို့ကလည်းကောင်း၊  ကျန် လ၃၀ တွင် ပြည်သူ့လွှတ်တော် ဥက္ကဋ္ဌ၊ ဒုဥက္ကဋ္ဌတို့ကလည်းကောင်း တစ်လှည့်စီ တာဝန်ထမ်းဆောင်ရပါသည်။

ပြည်ထောင်စုလွှတ်တော်၏ လုပ်ငန်းတာဝန်များမှာ-

  • လွှတ်တော်ဥက္ကဋ္ဌ၊ ဒုတိယဥက္ကဋ္ဌများရွေးကောက်တင်မြှောက်ခြင်းနှင့် သမ္မတ၊ ဒုတိယသမ္မများ ရွေးချယ်တင်မြှောက်ခြင်း
  • ဥပဒေပြုခြင်း
  • အုပ်ချုပ်ရေးနှင့် တရားစီရင်ရေးဆိုင်ရာအဖွဲ့အစည်းများ၏ ဆောင်ရွက်ချက်များကို အပြန်အလှန်ထိန်းညှိခြင်း
  • လွှတ်တော်အစည်းအဝေးများကျင်းပခြင်း

တို့ဖြစ်သည်။

ကော်မတီ/ကော်မရှင်များ

  • ပြည်ထောင်စုလွှတ်တော်ကိုယ်စားလှယ်များ စိစစ်ရေး ကော်မတီ
  • အာဆီယံပါလီမန်များ ညီလာခံဆိုင်ရာပူးပေါင်းကော်မတီ
  • နိုင်ငံတကာပါလီမန်များအဖွဲ့ဆိုင်ရာပူးပေါင်းကော်မတီ
  • ပြည်သူ့ငွေစာရင်းပူးပေါင်းကော်မတီ
  • ဥပဒေကြမ်းပူးပေါင်းကော်မတီ
  • မြန်မာနိုင်ငံလွှတ်တော်ဆိုင်ရာအဖွဲ့
  • ဖွံ့ဖြိုးရေးလုပ်ငန်းဗဟိုကော်မတီ
  • လွှတ်တော်များဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်း ဆောင်ရွက်ရေးအဖွဲ့
  • ဥပဒေရေးရာနှင့်အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်

ရည်ညွှန်း – Official Website : https://pyidaungsu.hluttaw.mm/

Leave a Reply

Your email address will not be published. Required fields are marked *